မြန်မာစာလုံးပေါင်းသတ်ပုံကျမ်း

Orthoမြန်မာစာရေးသားရာတွင် ကိုးကားအသုံးပြုနိုင်ရန် အစဉ်အလာနှင့် အညီဖြစ်ခြင်း၊ ကျမ်းအကိုးအထောက် ခိုင်လုံခြင်း၊ ကြောင်းကျိုး ဆက်နွှယ်မှုအရ အနက်အဓိပ္ပာယ်ရှိခြင်း၊ အသုံးတွင်ကျယ်ခြင်းတို့အရ ထုံးမီစံမျှဖြစ်သော စာလုံးပေါင်း(၂၈၅၈၇)တို့ကို ရဟန်း ရှင်လူပြည်သူအများတို့၏ အကြံပြုချက်များနှင့်တကွ ပေါင်းစပ်လျက် ပြဋ္ဌာန်းထားသောကျမ်း ဖြစ်သည်။

 download

Khwehtarမြန်မာစာလုံးပေါင်းသတ်ပုံကျမ်းနှင့်ခွဲထားစာအုပ်သည် ဖတ်ရှုလေ့လာအသုံးချသူများ အလွယ်တကူကိုင်ဆောင် အသုံးချနိုင်စေရန် စာအုပ်အရွယ်အစား၊ အသွင်သဏ္ဍာန်ကို ပြုပြင်ထားသော်လည်း ယခင်စာလုံးပေါင်းသတ်ပုံကျမ်းပါ ဝေါဟာရများကိုမူ ပြင်ဆင်ခြင်း၊ နုတ်ပယ်ခြင်း၊ ဖြည့်စွက်ခြင်းမပြုပါ။ သို့ရာတါင် ကျောင်းသူကျောင်းသားများ၊ ဆရာဆရာမများ၊ ရုံးသူရုံးသားများ၊ ရဟန်းရှင်လူ ပြည်သူလူထုနှင့် မြန်မာစာပေကို မြတ်မြတ်နိုးနိုး လေ့လာကြသည့် နိုင်ငံခြားသား မြန်မာစာဝါသနာရှင်များအတွက် များစွာ အထောက်အကူဖြစ်စေမည့် ခွဲထား ကဏ္ဍကို ဖြည့်စွက်ပုံနှိပ်ထားပါသည်။

ခွဲထား ကဏ္ဍတွင် စာလုံးပေါင်းသတ်ပုံအရာ၌ လွန်စွာရောထွေး မှတ်သား လွဲမှားတတ်သော အပင့်အရစ်၊ အသတ်အလတ်၊ သံပြင်းသံညင်း၊ သံတင်းသံလျော့ စသည့် လျဉ်းပါးနိုင်သမျှ ဝေါဟာရတို့ကို တစ်စုတည်း တစ်ပေါင်းတည်း နှိုင်းယှဉ်လေ့လာ ခွဲခြား မှတ်သားနိုင်အောင် ယှဉ်တွဲ ဖော်ပြထားပါသည်။ ထိုသို့ဖော်ပြရာတွင် အရေးတူးသော်လည်း ဝေါဟာရရင်းမြစ် မတူကြသည့်အလျောက် ဝေါဟာရရင်းမြစ်တူရာ တူရာတို့ကို စုစည်းပိုင်းခြား ဖော်ပြထားသည်ဖြစ်ရာ မြန်မာစာလုံးပေါင်းသတ်ပုံကို ဝေါဟာရရင်းမြစ်သဘောနှင့်တကွ လေ့လာမှတ်သားနိုင်သောအကျိုး၊ ထိုသို့ လေ့လာမှတ်သားရသဖြင့် စာလုံးပေါင်းသတ်ပုံကို မေ့လွယ် မှားလွယ် မဖြစ်တော့ဘဲ ခိုင်ခိုင်မာမာ စွဲစွဲမြဲမြဲ မှတ်မိနိုင်သော အကျိုးတို့ကို မလွဲမသွေ ရရှိနိုင်ကြလိမ့်မည်ဟု ယုံကြည်ပါသည်။