မြန်မာ-အင်္ဂလိပ်အဘိဓာန်

Myanmar -Eng  ပထမဆုံး မြန်မာ-အင်္ဂလိပ်အဘိဓာန်ကို မြန်မာပြည်၌ ခရစ်ယာန် သာသနာပြုရန် ရောက်ရှိလာသူ သိက္ခာတော်ရ ဆရာယုဒသန်က ၁၈၂၄ခုနှစ်တွင် ရှေ့ပြေးအဘိဓာန် အသေး တစ်စောင်ကို ဦးဆုံးပြုစုခဲ့ သည်။ သူကွယ်လွန်ပြီးနောက် ၁၈၅၂-ခုနှစ်တွင် မော်လမြိုင်မြို့ရှိ အမေရိကန် နှစ်ခြင်းသာသနာ ပုံနှိပ် တိုက်က မြန်မာ-အင်္ဂလိပ်အဘိဓာန်ကို ပုံနှိပ်ထုတ်ဝေခဲ့ သည်။ လူသိ အများဆုံး အဘိဓာန်လည်း ဖြစ်သည်။ ထို့နောက် ၁၉၂ဝ-ပြည့်နှစ်ခန့်မှစ၍ မြန်မာနိုင်ငံ သုတေသနအသင်းက ဆရာယုဒသန်အဘိဓာန်ထက် ဝေါဟာရ ပိုမိုပြည့်စုံပြီး ခေတ်မီသောအဘိဓာန်တစ်ရပ် ပြုစုနိုင်ရန် ကြိုပမ်းဆဲမှာပင် ဒုတိယကမ္ဘာစစ်ကြီးဖြစ် ပွားသည်။ ဗြိတိသျှအစိုးရတို့ အိန္ဒိယသို့ ဆုတ်ခွာရာတွင် အဘိဓာန်ပြုစုရန် စုဆောင်းထားသော စာချပ်တို့မှာ သီဟိုဠ်မှ တစ်ဆင့် အင်္ဂလန်သို့ရောက်ပြီး အ အက္ခရာ အတွဲ(၆)တွဲသာ ၁၉၈ဝ-ပြည့်လွန်နှစ်များအတွင်း ထုတ်ဝေနိုင်ခဲ့သည်။ ထိုကာလမှစ၍ မြန်မာ-အင်္ဂလိပ် အဘိဓာန်တစ်ရပ်ကို စတင်ပြုစုခဲ့ရာ ဝေါဟာရ ၂၅ဝဝဝ ခန့် ပါဝင်သော မြန်မာ-အင်္ဂလိပ်အဘိဓာန်ကို ၁၉၉၃-ခုနှစ်တွင် ပုံနှိပ် ထုတ်ဝေနိုင်ခဲ့သည်။